lxde bluetooth

Éling wayah aku masang Lubuntu ing Acer Aspire V5-132 wingi (Jajal deleng “Lubuntu ing Acer Aspire V5-132“)? Iku aslié ana masalah ing Bluetooth (Ana ing “Ora Isa ‘Audio Sink’ Jalaran ‘Stream Setup Failed’ ing Lubuntu“), nanging dak jarné jalaran aku isa isa masang Bluetooth tambahan ing colokan USB sing ugur ana loro, kiwa USB 3 lan tengen USB 2. Nanging iku malah garai masalah. Jalaran colokan USB ugur loro, menawa aku kapingin masang flèsdis, aku kudu nyopot Bluetooth tambahan iku.

Amarga iku, aku dak jajal golek cara bèné Bluetooth iku isa murip. Pratama dak cek dmesg. Aku nemu:

Bluetooth: can't load firmware, may not work correctly

Tibaé pancèn masalah perangkat lunak, dudu perangkat keras. Padahal arep dak klaim garansi saka Cervice Center Acer, loh! Hé, hé!

Saka Pengandar Windows.

Aku nemu cara, yaiku gawé pengandar wèké Windows. Iki katemu saka laporan kekutu Ubuntu. Ing Windows, pengandar iku gawé wujud berkas hex. Bèné isa diwaca karo Linux, iki kudu dak ubah dadi hcd. La, aku duwé pengandar laptop iki ing Windows 8, Windows 8! Ing kéné aku nemu akèh berkas hex, lan jenengé mèh padha kabeh.

$ ls *.hex -1
BCM43142A0_001.001.011.0161.0162.hex
BCM43142A0_001.001.011.0161.0162.hex
BCM43142A0_001.001.011.0161.0164.hex
BCM43142A0_001.001.011.0161.0166.hex
....

Gawé bingung. Bèné yakin, aku kudhu masang pengandar iki. Dadhi aku masang Windows 8, terus masang pengandar.

Utawa ora. Ing Lubuntu, sapéyan isa masang VirtualBox. Ora perlu Windows 8. Windows XP waé wis cukup kanggé iki.

Sampéyan sambungné Bluetooth iku menyang mesin. Terus karo Windows XP bakal deteksi lan jaluk pengandar. Ojo kuatir, sampéyan cukup ngarahné pemasang kandar menyang direktori sing isié berkas hex iku.

Mari ngono sampéyan cek versi berkas sing digawé. Buka “Device Manager”, terus golek wujud sing duwé jeneng “Bluetooth USB Module”. Sapéyan golèki “Driver Detail”, ing “Driver files” sapéyan deleng berkas sing duwé akhiran hex. Lah, iku sing digoléki. Yén aku kasebut: BCM43142A0_001.001.011.0161.0162.hex.

Ubah Menyang DCH.

Ana program apik kanggé ngubah wujud hex menyang dch. Program ngubah firmware iki kasebut hex2hcd gawéané Jesse Sung.

Unduh gawé git.

git clone git://github.com/jessesung/hex2hcd.git

Utawa unduh langsung ing kéné, mari ngono sapéyan ekstrak.

Jaré kometar saka laporan kekutu sing pada cara banguné,

$ cd hex2hcd
$ make
$ hex2hcd <input_file>.hex fw-xxxx_yyyy.hcd

Terus sapeyan pindah berkas hcd iku menyang /lib/firmware pas dahi super user.
Tambahan 1 Juni 2020: Saka Lubuntu 17.10, berkas diganti dadhi “BCM43142A0-0489-e055.hcd” dipindah menyang /lib/firmware/brcm/, jaré kometar saka laporan kekutu masalah iku.

Bèné iki mlaku, sapéyan kudu ubah jeneng berkas menyang fw-<manufacturer_id>_<device_id>.hcd. Iki isa dicek gawé lsusb.

$ lsusb
...
Bus 001 Device 005: ID 0489:e055 Foxconn / Hon Hai
...

Ing kéné kasebut “Foxconn / Hon Hai” lan ing kiwaé ana ID 0489:e055, sing dadié fw-0489_e055.hcd.

Mari ngono sampéyan reboot utawa,

sudo modprobe -r btusb && sudo modprobe btusb

Jajal dmesg:

Bluetooth: firmware loaded

Sip!

Tambahan.

Menawa sapéyan nemu masalah kaya iki:

$ hcitool scan
Device is not available: No such device
$ sudo hcitool lescan
Set scan parameters failed: File descriptor in bad state
$ sudo hciconfig hci0 up
Can't init device hci0: Operation not possible due to RF-kill (132)

Iki jalaran program rkill lagi matèni Bluetooth sapéyan. Jaré forum Ubuntu, sapéyan kudu:

rfkill unblock all
sudo hciconfig hci0 up

Menawa bingung utawa ana tambahan liya, ojo sungkan gedhabrus ing ngisor!

Ojo lali, gedhabrus is our right, kopibec!

Catatan. Gedhabrusan iki duwé ilham saka “swiesmann.de“.

Tagged with: