Valid UB SSL Cert 2014-02-19

Wis suwi saka peladen UB garai sebel aku. Jalaran gawé sertifikat SSL self signed sing garai aku kudu ngecek déwé keaslian sertikaté iku. Liyané iku Self-signed certificate duwé lan gawari masalah sing bakal metu saka gawé wujud iku.

  1. Sertifikat iki ora dipercaya karo aplikasi uga sistem operasi liya. Nanging iki isa diakali karo nambah sertifikat ing sertifikat sing dipercaya ing sistem operasi lan aplikasi sing uga nambah waktu kanggé ngurus lan mecahné masalah.
  2. Iki garai pengguna luwih gampang kapusan saka peladen palsu. Jalaran pengguna bolak-balik diwenehi peringatan sertifikat sing masalah, pengguna bakal kebal lan langsung nganggap iku masalah biasa. Dadhié menawa ana sing ngapusi ora ngerti. Contoé ing serangan wong tengah (man-in-the-middle attack), pengguna ora sadar menawa diarahé menyang peladen sing palsu. Akibaté data-data sing kudué menyang tujuan, diplèncèngné ora karuan.
  3. Saka bagian kasiji, iki luwih ngrépotné pengguna, jalaran kebingungan menawa ana peringatan saka aplikasi. Tujuané aplikasi iku apik. Nglindungi dèwèké saka hal sing ora jelas. Nanging menawa pengguna ora ngerti, isa-isa alamat sing dituju bakal ditinggal.
  4. Jalaran nomor telu, kredibilitas saka peladen bakal ala uga garai perusahaan, menawa iku perusahaan, sing masang peladen iku ketara murahan.

Ngomong-ngomong masalah murahan, ing Digicert iku ana “Single-Name SSL Certificates” sing regaé $175 saben taun kanggé siji ranah internet lan “Wildcard SSL Certificate” regaé $595 saben taun kanggé kabeh subranah. Kangé perusahaan menengah, iku kudué cukup. Apa manèh UBé sing kudué isa.

Wis ana.

Oh, ya wingi sore, aku jajal mlebu ing jaringané ubé. Aku kaget, tibaé SSL-é wis gawé CA sing jalas. Gawé Digicert ing CN *.ub.ac.id. Kayaé gawé sing “Wildcard SSL Certificate”. Iku katanggal 27/01/2014 0:00:00 GMT nganti 04/02/2015 12:00:00 GMT. Lumayan, lah. (Pembaruan 2014-02-19 11:22 UTC+7)

Tagged with: